ಇಂಡಿಯನ್ ಪ್ರೀಮಿಯರ್ ಲೀಗ್ನ 20ನೇ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ವಿರುದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸೂಪರ್ ಓವರ್ನಲ್ಲಿ ಗೆದ್ದು ಬೀಗಿದೆ. ಡೆಲ್ಲಿ ನೀಡಿದ 160 ರನ್ಗಳ ಟಾರ್ಗೆಟ್ನ್ನು ಬೆನ್ನತ್ತಿದ ಸನ್ರೈಸರ್ಸ್ 159 ರನ್ಗಳಿಸುವ ಮೂಲಕ ಪಂದ್ಯವು ಸೂಪರ್ ಓವರ್ನತ್ತ ಸಾಗಿತು. ಸೂಪರ್ ಓವರ್ನಲ್ಲಿ ಸನ್ರೈಸರ್ಸ್ ನೀಡಿದ 8 ರನ್ಗಳ ಟಾರ್ಗೆಟ್ನ್ನು ಬೆನ್ನತ್ತುವ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್ ಗೆಲುವು ದಾಖಲಿಸಿತು.
ಇದಕ್ಕೂ ಮುನ್ನ 160 ರನ್ಗಳ ಗುರಿ ಬೆನ್ನತ್ತಿದ ಸನ್ರೈಸರ್ಸ್ ಹೈದರಾಬಾದ್ಗೆ ಡೇವಿಡ್ ವಾರ್ನರ್-ಜಾನಿ ಬೈರ್ಸ್ಟೋವ್ ಉತ್ತಮ ಆರಂಭ ಒದಗಿಸಿದ್ದರು. ಇದಾಗ್ಯೂ ತಂಡದ ಮೊತ್ತ 28 ರನ್ ಆಗಿದ್ದ ವೇಳೆ ವಾರ್ನರ್ (7) ರನೌಟ್ಗೆ ಬಲಿಯಾದರು. ಈ ಹಂತದಲ್ಲಿ ಜೊತೆಗೂಡಿ ಕೇನ್ ವಿಲಿಯಮ್ಸನ್ ಉತ್ತಮ ಹೊಂದಾಣಿಕೆಯ ಆಟ ಪ್ರದರ್ಶಿಸಿದರು.
ಆದರೆ ಪವರ್ಪ್ಲೇಯ 6ನೇ ಓವರ್ನಲ್ಲಿ ಅವೇಶ್ ಖಾನ್ಗೆ ವಿಕೆಟ್ ಒಪ್ಪಿಸಿ ಜಾನಿ ಬೈರ್ಸ್ಟೋವ್ (38 ರನ್, 18 ಎಸೆತ) ನಿರಾಸೆ ಮೂಡಿಸಿದರು. ಇದಾಗ್ಯೂ ಮೊದಲ 6 ಓವರ್ನಲ್ಲಿ ಸನ್ರೈಸರ್ಸ್ ಹೈದರಾಬಾದ್ 56 ರನ್ ಕಲೆಹಾಕಿತು.
ಈ ವೇಳೆ ಕಣಕ್ಕಿಳಿದ ವಿರಾಟ್ ಸಿಂಗ್ ಕೇವಲ 4 ರನ್ಗಳಿಸಿ ಅವೇಶ್ ಖಾನ್ಗೆ ವಿಕೆಟ್ ಒಪ್ಪಿಸಿದರು. ಆದರೆ ಮತ್ತೊಂದೆಡೆ ಏಕಾಂಗಿ ಹೋರಾಟ ಮುಂದುವರೆಸಿದ ಕೇನ್ ವಿಲಿಯಮ್ಸನ್ 41 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಇದರ ಬೆನ್ನಲ್ಲೇ ಅಭಿಷೇಕ್ ಶರ್ಮಾ (5) ಹಾಗೂ ರಶೀದ್ ಖಾನ್ (0) ಅಕ್ಷರ್ ಪಟೇಲ್ ಎಲ್ಬಿ ಬಲೆ ಬಿದ್ದು ನಿರ್ಗಮಿಸಿದರು.
ಅಂತಿಮ 3 ಓವರ್ನಲ್ಲಿ ಸನ್ರೈಸರ್ಸ್ಗೆ 39 ರನ್ಗಳ ಅವಶ್ಯಕತೆಯಿತ್ತು. 18ನೇ ಓವರ್ನಲ್ಲಿ ವಿಲಿಯಮ್ಸನ್-ವಿಜಯ್ ಶಂಕರ್ ಜೊತೆಗೂಡಿ 11 ರನ್ ಕಲೆಹಾಕಿದರು. ಕೊನೆಯ 12 ಎಸೆತಗಳಲ್ಲಿ 28 ರನ್ಗಳ ಅಗತ್ಯವಿತ್ತು. 19ನೇ ಓವರ್ನಲ್ಲಿ ವಿಜಯ್ ಶಂಕರ್ (8) ವಿಕೆಟ್ ಒಪ್ಪಿಸಿದರು. ಈ ವೇಳೆ ಕಣಕ್ಕಿಳಿದ ಜಗದೀಶ್ ಸುಚಿತ್ 2 ಬೌಂಡರಿ ಬಾರಿಸಿ ಗೆಲುವಿನ ಅಂತರ ಕಡಿಮೆಗೊಳಿಸಿದರು. ಅದರಂತೆ ಅಂತಿಮ ಓವರ್ನಲ್ಲಿ 16 ರನ್ಗಳು ಬೇಕಿತ್ತು.
ಕಗಿಸೋ ರಬಾಡ ಎಸೆದ 20ನೇ ಓವರ್ನ ಮೊದಲ ಎಸೆತ ವೈಡ್. ಮತ್ತೊಂದು ಎಸೆತದಲ್ಲಿ ಕೇನ್ ವಿಲಿಯಮ್ಸನ್ ಬೌಂಡರಿ ಬಾರಿಸಿದರು. 2ನೇ ಎಸೆತದಲ್ಲಿ 1 ಬೈಸ್ ರನ್. 3ನೇ ಎಸೆತದಲ್ಲಿ ಸುಚಿತ್ ಸಿಕ್ಸ್ ಸಿಡಿಸಿದರು. 4ನೇ ಎಸೆತದಲ್ಲಿ 1 ಬೈಸ್ ರನ್. 5ನೇ ಎಸೆತದಲ್ಲಿ 1 ರನ್. ಕೊನೆಯ ಎಸೆತದಲ್ಲಿ 2 ರನ್ ಬೇಕಿತ್ತು. 1 ಲೆಗ್ ಬೈಸ್ ರನ್ ಪಡೆಯುವ ಮೂಲಕ ಸನ್ರೈಸರ್ಸ್ ಹೈದರಾಬಾದ್ 159 ರನ್ಗಳೊಂದಿಗೆ ಪಂದ್ಯವನ್ನು ಟೈ ಮಾಡಿಕೊಂಡಿತು. ಹೀಗಾಗಿ ಪಂದ್ಯವು ಸೂಪರ್ ಓವರ್ನತ್ತ ಮುಖ ಮಾಡಿತು.
ಡೆಲ್ಲಿ ಕ್ಯಾಪಿಟಲ್ಸ್ ಪರ ಅಕ್ಷರ್ ಪಟೇಲ್ ಎಸೆದ ಸೂಪರ್ ಓವರ್ನಲ್ಲಿ ಕೇನ್ ವಿಲಿಯಮ್ಸನ್-ಡೇವಿಡ್ ವಾರ್ನರ್ ಜೋಡಿ 7 ರನ್ ಕಲೆಹಾಕಿತು. 8 ರನ್ಗಳ ಗುರಿ ಪಡೆದ ಡೆಲ್ಲಿ ಪರ ರಿಷಭ್ ಪಂತ್-ಶಿಖರ್ ಧವನ್ ಬ್ಯಾಟಿಂಗ್ ಮಾಡಿದರು. ರಶೀದ್ ಖಾನ್ ಎಸೆದ ಈ ಓವರ್ನಲ್ಲಿ 8 ರನ್ ಕಲೆಹಾಕುವ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್ ಗೆಲುವಿನ ನಗೆ ಬೀರಿತು.ಇದಕ್ಕೂ ಮುನ್ನ ಟಾಸ್ ಗೆದ್ದ ಡೆಲ್ಲಿ ತಂಡದ ನಾಯಕ ರಿಷಭ್ ಪಂತ್ ಬ್ಯಾಟಿಂಗ್ ಆಯ್ದುಕೊಂಡರು. ಡೆಲ್ಲಿ ಪರ ಇನಿಂಗ್ಸ್ ಆರಂಭಿಸಿದ ಶಿಖರ್ ಧವನ್ ಹಾಗೂ ಪೃಥ್ವಿ ಶಾ ಭರ್ಜರಿ ಆರಂಭ ಒದಗಿಸಿದರು. ಆರಂಭದಿಂದಲೇ ಬಿರುಸಿನ ಆಟಕ್ಕೆ ಒತ್ತು ನೀಡಿದ ಈ ಜೋಡಿ ಸನ್ರೈಸರ್ಸ್ ಬೌಲರುಗಳು ವಿರುದ್ದ ಮುಗಿಬಿದ್ದರು. ಪರಿಣಾಮ ಪವರ್ಪ್ಲೇನಲ್ಲಿ ಡೆಲ್ಲಿ ಮೊತ್ತ 51ಕ್ಕೆ ಬಂದು ನಿಂತಿತು.
ಮೊದಲ ವಿಕೆಟ್ಗೆ 81 ರನ್ಗಳ ಜೊತೆಯಾಟವಾಡಿದ ಈ ಜೋಡಿಯನ್ನು ಬೇರ್ಪಡಿಸುವಲ್ಲಿ ಕೊನೆಗೂ ರಶೀದ್ ಖಾನ್ ಯಶಸ್ವಿಯಾದರು. 28 ರನ್ಗಳಿಸಿದ್ದ ಶಿಖರ್ ಧವನ್ ಅವರನ್ನು ಕ್ಲೀನ್ ಬೌಲ್ಡ್ ಮಾಡಿದ ರಶೀದ್ ಖಾನ್ ಸನ್ರೈಸರ್ಸ್ಗೆ ಮೊದಲ ಯಶಸ್ಸು ತಂದುಕೊಟ್ಟರು. ಇದರ ಬೆನ್ನಲ್ಲೇ ಅರ್ಧಶತಕ ಬಾರಿಸಿದ್ದ ಪೃಥ್ವಿ ಶಾ (53ರನ್, 39 ಎಸೆತ) ರನೌಟ್ಗೆ ಬಲಿಯಾದರು. ಈ ಹಂತದಲ್ಲಿ ಜೊತೆಗೂಡಿದ ರಿಷಭ್ ಪಂತ್ ಹಾಗೂ ಸ್ಟೀವ್ ಸ್ಮಿತ್ ಉತ್ತಮ ಜೊತೆಯಾಟ ಪ್ರದರ್ಶಿಸಿದರು.
3ನೇ ವಿಕೆಟ್ಗೆ 58 ರನ್ಗಳ ಜೊತೆಯಾಟವಾಡಿದ ಈ ಜೋಡಿಯನ್ನು ಸಿದ್ದಾರ್ಥ್ ಕೌಲ್ ಬೇರ್ಪಡಿಸಿದರು. 19ನೇ ಓವರ್ನಲ್ಲಿ ರಿಷಭ್ ಪಂತ್ (37) ಔಟ್ ಮಾಡಿ ಎಸ್ಆರ್ಹೆಚ್ಗೆ 3ನೇ ಯಶಸ್ಸು ತಂದುಕೊಟ್ಟರು. ಇನ್ನು ಬಂದ ವೇಗದಲ್ಲೇ ಶಿಮ್ರಾನ್ ಹೆಟ್ಮೆಯರ್ ಔಟ್ ಮಾಡಿ ಕೌಲ್ 4ನೇ ವಿಕೆಟ್ ಉರುಳಿಸಿದರು.
ಸ್ಟೀವ್ ಸ್ಮಿತ್ ಅವರ ಅಜೇಯ 34 ರನ್ಗಳ ನೆರವಿನೊಂದಿಗೆ ಅಂತಿಮವಾಗಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ನಿಗದಿತ 20 ಓವರ್ನಲ್ಲಿ 4 ವಿಕೆಟ್ ನಷ್ಟಕ್ಕೆ 159 ರನ್ ಪೇರಿಸಿತು. ಸನ್ರೈಸರ್ಸ್ ಹೈದರಾಬಾದ್ ಪರ 4 ಓವರ್ನಲ್ಲಿ 31 ರನ್ ನೀಡಿ 2 ವಿಕೆಟ್ ಪಡೆದು ಯಶಸ್ವಿ ಬೌಲರ್ ಎನಿಸಿಕೊಂಡರು.
ವರದಿ, ನ್ಯೂಸ್ ಬ್ಯುರೋ ಎಚ್ಚರಿಕೆ ಕನ್ನಡ ನ್ಯೂಸ್
ಸುದ್ದಿ ಹಾಗೂ ಜಾಹಿರಾತಿಗಾಗಿ ಸಂಪರ್ಕಿಸಿ :-9972422030